11 Days Countdown for My Birthday!

.

Ang bilis talaga ng panahon..parang kelan lang bata ka pa, wala pang muwang, masaya at naglalaro lang sa kalye. Hangang nagaral ka, nagkaisip at lumaki. Ngayon eto ako may matinong trabaho, nakikipagsapalaran na sa buhay, nagiging matatag kapag nadadapa, nagiging mapagbigay kapag may sobrang biyaya, nagiging matulungin sa nangangailan ng tulong. Ganito nga siguro ang buhay, kelangan mong sumonod sa agos nito na parang ilog...walang katapusan at patuloy pa ring aagos.

.

Ilang araw na lamang ang nalalabi at sasapit na naman ang aking dakilang kaarawan. Ika 23 ng Hulyo (July 23), ipinanganak ako ng nanay at tatay ko..hehehe ang korni! Eto ang isa sa mga pinananabikan kong araw sa buong isang taon. Kasi kapag Birthday ko, lahat ay masaya! Buong pamilya nagbubuklod buklod at nagcecelebrate ng birthday ko. Sympre ako ang may pakana nun. Bukod sa taon taong reunion ng buong angkan, ewan ko ba nagagawa ko rin mapagisa ang pamilya ko kapag Birthday ko nga.

Lahat din ng mga kaibigan ko nagkikita kita tuwing birthday ko. Merong instances nga na may mga kaibigan akong nagkikita kita lang pag birthday ko lang talaga pero madalas ko naman silang nakikita. Ganun nga talaga yata ang papel ko sa mundong ito. Tagabuklod at tagapag-isa ng mga taong malalapit sa buhay ko.

Ewan ko ba minsan nga di ko maiwasang magsentimiento, kapag birthday kasi ng mga kaibigan o kamag-anak ko, ako ang namumuno sa pagoorganize o pagbibigay ng mga surprise parties. Pero pag birthday ko na ang sasapit, ako pa rin ang magoorganize at magaasikaso sa lahat. Marami naman nagmamahal sa akin, marami rin naman nagreregalo, pero alam mo un..alam ko naiinitindihan mo ako..na minsan hindi regalo ang hinahanap mo, minsan mas gugustuhin mong may magbibigay syo ng surpresa na nagplano sila kahit sa lugawan lang sa kanto para mairaos ang birthday mo. Wala nga yata akong naranasan sa buong talambuhay ko na may sumurpresa skin kapag birthday ko. Kung meron man taon na un..di ko na maalala. Usually, ang dahilan nila ako raw ang meron kaya ako ang magbigay and besides daw may regalo naman sila. Pero ok lang lahat sa akin yun basta ang importante lahat kami masaya.

Ngayon taon, balak ko sanang i-celebrate ang Birthday ko sa isang simple at payak na paraan lamang, yun bang hindi masyadong magastos kasi nga recession ngayon at dahil may krisis sa buong mundo..makikiisa na rin ako!

Mga masugid kong mambabasa at visitors, maari mo ba kong tulungang mag-isip kung ano ang magandang idea para i-celebrate ko ang aking Birthday sa isang matipid at simpleng paraan. Sige na pa-birthday gift mo na sa akin toh!

Ang mapipiling magandang idea ay imbitado sa mismong araw ng Birthday ko. Sikat ka! hehe! Sapat na bang kapalit yun?